| 最近事業上有新進展，黎緊會俾人踼入房"管倉"
其實"管倉"既意思，並唔係一般傻仔認為咁，例如：將一大叠銀紙放響枱面，之後有兩個揸鎗既”食蕉”企響後面，有同事問你拎錢就要求你，如果態度唔係咁好既同事你就可以先一腳踼開佢，食蕉叔叔會好醒目咁用支散彈鎗指住佢個頭，之後你就可以好似黑社會大佬咁同佢講：你要呀？跪低求下我先丫～！如果佢求你，你就可以同佢講：冇呀，過主啦乞兒！，如果唔求仲好，搶支散彈鎗一野射爆佢個頭，再狂笑～～哈哈哈哈～～～
（唔好意思，最近打得ＭＧＳ４打得太多，上左腦之餘仲有少少暴力傾向．．．)
其實事實上就係岩岩相反，係就係管錢，不過個客人要咩你就要準時俾到佢，唔夠俾會俾人鬧到隻狗咁（基本上係同事俾人鬧完，你再俾同事鬧到隻死狗咁．．．）返工要返早ＤＤ，收工又收遲ＤＤ，仲有一大堆銀行什務（例如交＄１０水費同埋管住好最要既咖啡機鎖匙，壞眼燈你都要幫手打電話云云）係由"管倉"負責．．．
但係，唔知點解，其實入左行之後見到呢個ＰＯＳＴ就已經好想做呢個位，一來就係自己傾向犯賤性格，鍾意攬野黎做，二來就係覺得同人講做ＣＡＳＨＩＥＲ好聽過ＴＥＬＬＥＲ（一句格言：做銀行最緊要係咩呀？～＞型！），三來就係可以滿足同兌現”工作狂”呢個美名（屎提糞小朋友幫我掛名既”朵”）云云
不過，最真最真既理由應該係：我覺得而家我既師姐真係好掂！但係見到佢真係好辛苦，所以想分輕下佢既工作量！（真係口講無憑，但係你見過佢之後就會發現呢個世界如果多一個咁既人，世界就會多一分和平．．．）
下個禮拜，應該正式坐正，見字唔好行埋黎拎錢，唔係一鎗打爆你個頭～！ |
| |
| 先兩日有各方好友黎慶祝小弟牛一，萬二分感激，但係亦都響個日，覺得自己真係老喇......
之前放左個大假，響屋企牛左十日，終於俾我發現到一樣野～原來我都可以好悶！以前成日都覺得２４個鐘頭唔出街一定會死！但係響個十日之後我發現原來有部ＰＳ３響屋企就唔會架喇～＿～
最近有少許發覺，自己個人越大就越有脾四，仲有少少印象，十年前我可以三九唔識七都同呀四傾半個鐘，但係而家，只要心入面唔鍾意一個人，可以連最基本既打交道都唔想做～！哈哈～打完都覺得自己幾巴閉．．．
有時覺得，真係連個天都唔鍾意我．．．夏天過左一個月，我都只係係咁二叫做去過沙灘一次！！！仲要個次係冇濕水既！！天呀！！我要同陽光玩遊戲呀！！我今年真係想學”識”游出浮台架～～你俾個機會我啦！！好冇？！
做”尖”次數一落千丈，懶懶懶懶懶懶．．．．
最近發現其實自己都好容易滿足，可以學到少少野，可以俾人讚少少，都好滿足～～（有Ｄ變態．．．）但係可能係咁，所以ＯＫ啦～～（癲埋．．．唔知打乜．．．）
２５歲喇～人生既三分之一，好似咩都未做過，好似咩都未成功過，但係，開心過，快樂過，所以日日照係咁過．．．希望．．．今年可以有Ｄ突破啦～ |
| |
| 俾個同事仔herrrrr左幾日，終於都打xanga喇~__~
其實真係冇咩好打，就咩都求求其其打少少fu hin下啦~~
仲有三日，就做左呢間銀行一年喇！！時間過得好快好快，最搞笑既係做左一年都已經係ｈｅａｄ住一大班死o靚仔o靚妹，個感覺都唔知係好定係唔好...好既係我可以響佢地身上面吸收到一d年青人既氣息（起碼唔係好似以前咁每日都見唔到陽光），同埋返工其實都係為左開心（雖然人工都好重要），有一班傻既同事，夠啦～～
不過有時候同佢地坐埋一齊傾計，其實佢地大部份都唔算係好鍾意呢份工，一個字：悶！其實，響做呢份工之前，唔多唔少都有身邊既朋友會同我講：銀行工？！悶死人個喎！仲要你呢ｄ做過地盤再做飲食既人轉過去做？三思啦！！當其時自己都會卻步，以呢ｄ屁股生”翅”既人，放棄當其時ｓｔａｒｂｕｃｋｓ山寨王既地位去做卒仔，值唔值得？一年後既今日，我可以話俾你聽：值得！
唔記得左由幾時開始，自己開始唔識得去後悔，可能係因為明白到自己去到要後悔既時候～＞已經太遲，既然都遲左，咁仲要唔要後悔呢？不如做每一次事之前做好心理準備，預計一下黎緊既挑戰唔係仲好？
當然啦，要講話做銀行係咪真係終生職業，或者我肯唔肯一世響呢度做，我一定會講：唔得！但係三年會係一個目標，話難，應該唔會太難，話易，對我黎講都唔係太易囉～～努力囉～
如果真係要講既話，我都覺得自己好好彩，去左一間唔好係忙既分行，識左一班真係好傻既同事，有一兩個值得我為佢地博命既上司，收到算係唔錯既人工，第一份工可以見到紅日就唔使返工，之後個日放假可以玩到癲，同事（ｔｅｌｌｅｒ）之間冇咩明爭暗鬥，可以一齊開懷大笑，唔高興一齊講粗口．．．．仲求ｄ咩？ |
| |
| 久違了的xanga...
最近都發生左d事，搵左一兩個朋友傾，對呢幾個朋友又再次有唔同既定位~~哈哈哈~~
岩岩尋晚睇左"投名狀"，應該係最近覺得$70都值得入場睇既戲(我真係俾左$70入場丫)，我睇完既感想係：做人，絕對唔可以蠢～！要記住～～
另外，真係窮得～好～緊～要～仲要捱多半年（仲要講緊冇特別事件發生），加油喇～～（唔通真係要加入埋”帶飯黨”？）
仲有一個禮拜就聖?喇～以我ｕｐｄａｔｅ ｘａｎｇａ既進度，相信而家同大家講句：聖?快樂～應該都唔算太早！祝各位未有另一半既人快ｄ搵到另外一半，有另一半既就響自願既情況下快ｄ派帖啦～呵呵呵～～
|
| |
| 5/11 去睇eason ~~ 好睇過上一次好多~~!! encore到11:55 ~~ high 到震丫~~ ok鍾意佢"演唱會"首歌既setting，好shine ~ 不過真係好唔li~ke佢個咪~~唱快歌完全唔入咪... 聽風...
之後11日既假期開始左喇~~ 今日hea左一日，睇左"黑拳"，打得真係幾好睇，而個故仔就plain左少少，不過都好過"兄弟"... 完全唔知想點... 呃錢，回水~~~
最近玩 facebook玩到ok high ~~ 佢入面個d無聊game真係好岩我呢d無聊人~~~哈哈哈~~未玩既就快d開個玩下啦~~呵呵呵~~
|
| |
